(Erkən detallı müayinə və başda Daun sindromu olmaqla başqa xromosomal anomaliyalar üçün risk hesablanması )

2000-ci illərin əvvəllərindən bəri istifadə olunan bir müayinə formasıdır. Baş-popo məsafəsi ( CRL )  45-85 mm olan körpələrdə  xromosomal anormaliyaların  təqribən 90 %-ni müəyyən etmək mümkündür. Aşağıdakı dəyərləndirmələr aparılır:

• Ürək fəaliyyəti

• Körpənin hərəkəti

• Plasentanın yerləşməsi

• Suyun miqdarı

• Baş-popo məsafəsi ölçülərək böyümə təqibi

• Baş-gövdə bütünlüyü

• Kəllə sümüklərinin yaranması

• İki qol-əl,iki ayaq

• Mədə

• Sidik kisəsi

• Ənsə qalınlığı ( NT): Bu həftələrdə bütün körpələrin ənsəsində, dəri altında millimetrik bir maye yığıntısı olur. Bu mayenin qalınlığı ölçülür. Bu qalınlıqdakı diqqətə çarpan artım xromosomal  anormaliyalar riskini yüksəltməkdədir. Yenə də, artmış ənsə qalınlığı hallarının bir qismi normaldır. Körpənin böyüklüyünə görə ənsə qalınlığı sərhədi dəyişməklə yanaşı 3,5 mm  və daha çox qalınlıq  bu həftələr arasındakı bütün körpələr üçün yüksək bir ölçüdür və əlavə tarama testi lazım olmadan diaqnostik testlərə keçməyi tələb edir.

• Burun sümüyünün varlığı: Daun sindromlu körpələrin təqribən yarısında burun sümüyü ya heç inkişaf etmir, ya da az inkişaf edir.

• Göbək bağından təmiz qan gətirən damarın, ürəyin sağ qulaqcığına gəlmədən öncə qaraciyərin içindən keçən hissəsinin (Duktus Venozus), rəngli doppler ilə yoxlanılması.

USM-dən sonra eyni gün İkili test üçün ana namizədindən qan götürülür, hCG və PAPP-A  adlı iki hormon səviyəsi ölçülür. 

Down sindromu və digər xromosomal xəstəlikləri aşkar etmək üçün

         - Yuxarıdakı ultrasonoqrafiya nəticələri

         - İkili test dəyərləri

         - Ananın yaşı, çəkisi və boyu, siqaret çəkmə vərdişi

         - Anada şəkər xəstəliyi

         - Süni mayalanma müalicəsi

         - Əvvəlki hamiləlikdə  xromosomal xəstəlik 

 

Yuxarıda göstərilən məlumatlar kompüter proqramına daxil edilərək, hamiləliyin risk dəyərləndirilməsi edilir. Bu dəyərləndirmənin nəticəsinə görə ana namizədi  (adətən, limit dəyəri 1/250)  yüksək və ya aşağı risk qrupuna ayrılır. Bütün məlumatların birləşdirildiyi bu testə Kombinə test deyilir.

Yüksək risk qrupundakı bütün ana namizədlərinə test (Amniosentez - CVS)  tətbiq edə bilsək, Daun sindromlu körpələrin 90 %-i müəyyən oluna bilər.

Bir körpədə 100 % Daun Sindromu olmadığını bilmək üçün körpəyə aid bir hüceyrə götürərək genetik laboratoriyada araşdırmalıyıq. Bu, körpə ətrafındakı mayenin (Amniosintez) nümunəsi və ya plasentadan biopsiya (CVS) ilə mümkündür. Hər  iki müdaxilə körpə baxımından riskli olduğu üçün yalnız yüksək risk qrupuna tətbiq edilməlidir.

 

11-14-cü həftə Ultrasonoqrafiya ilə Preeklampsiya riskinin həftəlik qiymətləndirilməsi və müalicəsi

Hamiləliyin son aylarında - yüksək təzyiq, sidikdə protein itkisi və ödemlə xarakterizə olunan bir vəziyyətdir. Ağır forması, təxminən 2 % hamilələrdə görülür. Xüsusilə 34-cü  həftədən əvvəl ana və körpə üçün ciddi risklər yarada bilər. 11-14-cü həftə ultrasonoqrafiyasiyası ilə yanaşı, rəngli Doppler preeklampsiya riskini müəyyən etməyə kömək edir. Riskli hamiləliklərdə bu həftələrdə başlayan müvafiq dozada aspirin müalicəsi 34-cü həftədən əvvəl preeklampsiya riskini  85 % azaldır.