Sonsuzluq müalicəsində istifadə olunan dərmanlar

• Klomifen-sitrat: Estrogen reseptorlarına bənzəyir, mərkəzi sinir sistemindəki hipofiz vəzindən  ifraz olunan FSL və LH hormonlarının (qonadotropinlərin) sərbəst buraxılması təmin edir və yumurtalıqları stimullaşdırır. Bu da yumurtalıqda yumurta inkişafını təmin edir. Uzun illərdir bu məqsədlə istifadə edilmişdir. Mənfi təsiri isə yumurtalıqda bu müsbət təsiri təmin edərkən uşaqlıq pərdəsində (endometrium) incəlməyə səbəb olmasıdır. Bu səbəbdən də son illərdə istifadəsi azalmışdır. Tablet formasındadır.

• Letrozol (Femera): Bu, estrogen sintezində rol oynayan aromataz fermentini bloklaşdırır. Bu xüsusiyyətinə görə uzun illərdir ki, döş xərçənginin medikal müalicəsində istifadə edilməkdədir. Yuxarıdakına bənzər bir mexanizm ilə yumurta inkişafına kömək edir. Endometrium üzərində mənfi təsiri olmadığı üçün Klomifene nisbətən daha çox istifadə edilməyə başlanmışdır. Tablet şəklindədir.

• hMG (Human Menopausal Gonadotropin) (Merional, Menogon, Fostimon, Menopur): Yumurtalıq funksiyaları çox azaldığı üçün menapozal qadınlarda, FSH və LH hormon səviyyələri yüksəkdir. hMG menapozal qadınların sidiyindən əldə edilməkdədir. 1960-cı illərin əvvəllərindən bəri sonsuzluq müalicəsində istifadə edilmişdir.

• r-FSH (Gonal-f, Puregon): 1995-ci ildən sonra FSH hormonu sintetik olaraq laboratoriyada istehsal olunmağa başlanmışdır. Hal-hazırda hMG ilə birlikdə geniş istifadə olunur.

• GnRH-Agonist (Lucrin): Hipofiz vəzindən ifraz olunan FSH və LH hormon səviyyələrini azaltmaq üçün istifadə edilir. Süni mayalanma müalicəsində daha çox gündəlik kiçik dozalar istifadə edilir, endometrioz və mioma kimi xəstəliklərin müalicəsində isə aylıq istifadə edilməkdədir. Tətbiqin ilk dozlarında FSH və LH səviyyəsi arta bilər. Buna görə də bəzi hallarda ovulyasiya üçün Süni mayalanma müalicəsində də istifadə olunur.

• GnRH-Antaqonist: İlk tətbiqdə LH və FSH səviyyələrini azaldır. Qısa protokolda: qonadotropin müalicəsinə əlavə olaraq, 6-cı gündə başlanır. Folekullar böyüdükcə, nəzarətdən kənar ovulyasiyanın baş verməsinə mane olur.

• hCG (Pregnyl, Ovitrelle): Ovulyasiyanı artırmaq üçün istifadə olunur.

• Progesteron (Progestan, Cronone gel): Embrion köçürməsindən embrionun tutunma və inkişafı üçün progesteron hormon müalicəsi lazımdır. Təbii progesteronun ağızdan istifadəsi təsirli deyil. Günlük tətbiqi uzun dövrdə ağrılı və lokal problemlərə yol açdığı üçün əzələ daxilinə istifadə olunmur. Vaginal tablet ya da gel olaraq istifadə edilməsi məsləhət görülür.